చుక్కల పల్లకి

చలిలో వెన్నెల!!

2012-01-28T04:24:00.002+05:30

వేళ కాని వేళలో చలిలో వెన్నెలలో
ఒంటరినై ఉన్నా వలపుల ఊయలలో
చిరుజల్లులలోనా, వెచ్చని ఊహలున్నై
తుంటరి కొరికేదో రేగింది మనసులో
నీ తలపు రాగానే వేడెక్కి పొతున్నా
బుల్లెమ్మ చెంత చెరాలనే ఆత్రము :)
ఎందుకే వెన్నెల, చలిలో నీ ఆటలు
నీకిది న్యయమేన? ఓ చలిలో వెన్నెల!!
సమాధానం కావలి నాకు ఈవేళ

మకర సంక్రాంతి శుభాకాంక్షలు

2012-01-13T16:52:00.002+05:30

ఇంటికి వచ్చే కొత్త పంటలు

ఇంటి ముంగిళ్ళలో రంగావల్లులు

ముద్ద గొబ్బెమ్మలు

వెచ్చని బోగి మంటలు

హరిదాసు పాటలు

లంగా వోనిల్లో అమ్మయిలు

ఆనందంలో కొత్త జంటలు

కమ్మని పిండి వంటలు

కోడి పందాలు

పేకాట సంబరాలు

రంగుల గాలి పటాలు

ఇంకా ఎన్నెన్నో....

అందరికి మకర సంక్రాంతి శుభాకాంక్షలు :)

బంగారు బుల్లెమ్మా

2011-10-25T00:25:00.002+05:30

ఓ బుల్లెమ్మా,

కనులు తెరిస్తే, నువ్వు నవ్వితే నీ బుగ్గన పడే సొట్టలే

కనులు మూస్తే నీ నల్లని కురులు, చేక్కిల్లు, నీ కన్నులే

నిను చేరాలనే కోరికే పెరుగుతుంది ఓ లావాలా లోలోపల

అనచాలనే ఆలోచనలో పడుతున్న ఇబ్బంది వెలుపల

నీ స్వరం వినిపించే నా సెల్ ఫోన్ రింగు కోసం కాచుకు కూర్చున్నా

నువ్వు తిట్టే తిట్లకోసం ఆత్రుతగా ఎదురు చూస్తున్నా

కలలో నువ్వు వేసే మొట్టికాయల కోసమే నిదురిస్తున్నా

నీకోసం ఓ పాటే పాడాలని,

నీకన్నుల్లో ఓ నవ్వె చూడాలని

నీ చెవిలో ఉఫ్ఫ్మని ఊదాలని

నీ చేతికి గాజులే తొడగాలని

నీ మెప్పు కోసం ఎన్నో ఎన్నెన్నో చేయాలని నా మనసే ఆత్ర పడుతుంది, బంగారం....

నువ్విలా పాటలు డౌన్లోడ్

2011-10-12T17:39:00.002+05:30

ఇక్కడ నేను పైరేటెడ్ పాటలు డౌన్లోడ్ చేసుకోమని లంకె ఇవ్వడం లేదు.

నాకు ఎప్పట్నుంచో ఉన్న ఐడియా ని ఇలా ఉషాకిరణ్ మూవీస్ వారికి కూడా వచ్చినందుకు ఆనన్దపదుతూ ఈ టపా వేస్తున్నాను.

నేను హైదరాబాదులో ఉండగా, పాటల సీడీని కొని పాటలు రిప్ చేసుకునే వాడిని. బెంగుళూరు వచ్చిన తరవాత కొనే చోటు దొరికేది కాదు. ఇంకా రాగ డాట్ కాం లో వినేవాడిని. కొన్ని డౌన్లోడ్ చేసుకునే వాడిని వేరే సౌర్చెస్ నుంచి. అపుడప్పుడు అనుకున్తూ ఉండే వాడిని, సినిమా పాటలు విడుదల చేసినప్పుడు పాటకి రూపాయో రెండు రూపాయలో ఖరీదు పెట్టి, డౌన్లోడ్ చేసుకునే సౌకర్యం కలిగించి ఉంటే బాగుంటుంది కదా, ఇలా పైరేట్ చేయడం తగ్గుతుంది అనుకునే వాడిని. ఇన్నాళ్ళకు ఉష కిరణ్ మూవీస్ వారు, నువ్విల పాటలు అన్నిటిని ఇరవై రూపాయలకి డౌన్లోడ్ చేసుకునే వీలును కలిపించినందుకు ఆనందపడుతూ డౌన్లోడ్ చేసుకున్నాను.

ఈ పాటలని నువ్విలా సైట్ నుంచి డౌన్లోడ్ చేసుకోవచ్చు.

ఫ్రెండు పెళ్ళి రెసెప్షను - అమ్మాయి - కారు లిఫ్టు

2011-09-10T23:38:00.000+05:30

ఈ రోజు మా కొలీగ్ రిసెప్షన్కి వెళ్ళాను. రిసెప్షన్లో పెళ్లికొడుక్కిన్ను, పెళ్లికుతిరికిన్ను అప్పటికే ఎవరోఇచ్చిన గిఫ్ట్నివాళ్ళు అందుకుని పక్కన పారేయగా, తెలివగా వాటిలోంచి పెద్ద సైజుగిఫ్ట్ ఒకటి చాకచక్యంగా తీసుకొచ్చి, నేనే ఇస్తున్నట్టు ఇచ్చి, శుభాకాంక్షలుచెప్పేసి, అసలా వెళ్ళిన పని మీద పడ్డం అందరం( అదేనండి తిండి కార్యక్రమం ఉంటుందికదా J)

అక్కడ మా ఫ్రెండ్కి ఒకఅమ్మాయి నచిందని చెప్పాడు. వెళ్లి మాటాడు అని ఓ కరీదైన సలహాతో కొట్టా. మా వాడుదానికి సిగ్గుపడో, బయపడో కదల్లేదు మాదేగ్గర్నుంచి. నువ్వు వెళ్లి పరిచయం చేసుకో చూద్దాంఅని నాకు రివర్స్లో ఒక చురుకు వేసాడు( నన్ను తక్కువ అంచనా వేసి J )

సరే అని తింటున్న ప్లేట్తోపాటుఆ అమ్మాయి ఉన్న చోటకి వెళ్లి కుర్చుని, మాట్లాడ్డం మొదలెట్టా. మా వాడికి మీరునచ్చారట, వచ్చి మాట్లాడడానికి సిగ్గు పడుతున్నాడు, పిలవమండురా అని అడిగా. ఆపిల్ల్లెంమో నాకు కరెంటు షాక్ కొట్టేట్టు ఒక జవాబు ఇచింది. “Oh! Is it. Does he want to talk in public orprivate” అని అంది.

ప్రైవేటుగా మాట్లాడ్డం ఓకేనే కాని ఈ సారికి పబ్లిక్గానే మాట్లాడండి అని చెప్పా. సరే అంది.

మా వాళ్ళు అక్కడ షాక్కొట్టిన కాకుల్లా, నిలబడి చూస్తున్నారు. రండి అని ఒక సైగ చేసి పిలిస్తేతుర్రుమన్నారు అక్కడనుంచి. ఏంటి మీ వాళ్ళు అలా తుర్రుమన్నారు అని నన్ను ప్రశ్నించగా,ఏమో కనుక్కుంటా వెళ్లి అని అంటే, నువ్వు కుడా జారుకుందాం అనా అని ఒక ప్రశ్నతోపిచ్చకోత్తుడు కొట్టినట్టు వదిలింది నా మీదకి. అదేమీలేదు అన్నాను. నేను రానా పోనీ, వచ్చి మాట్లాడానా అంది. సరే అన్నాను.ముందు మీ వాళ్ళని వెతుక్కోండి ఎక్కడున్నారో అంది. అదీ నిజమే అని వాళ్ళని వెతికిపట్టుకుంటే, అల ఎలా మాట్లదేస్తావ్ అబ్బి, ఏదో సరదాకి అంటే నిజంగానే చేసేస్తావ అనినా గురించి తెలుసుకుని ఆ షాక్ నుంచి తెరుకున్నకా, బయల్దేరి వస్తుంటే, వర్షం మొదలు.ఫంక్షన్ హాలు వాకిట్లో నున్చిని వర్షం ఎప్పుడు తగ్గుద్డా అని చూస్తుంటే, వెనకనుండి, ఎక్కడికి వెళ్ళాలి మీరు అంది. మరతహళ్లి అంటే, నేను అటే డ్రాప్ లిఫ్ట్ఇస్తాను పదండి అని అంది. మేము ఏమనుకుంటుందో అని కూడా పట్టించుకోకుండా, నేను డ్రైవ్చేయనా అని అడిగేసా. ఈసారికి నేను నడుపుతా, లైట్ తీసుకో అని మా స్టాప్ దెగ్గరఆపింది. దిగి నెంబర్ అడగ్గా, ఒక నవ్వు విసరి తుర్రుమంది.

నేను ఇటీవలే తీసిన చాయాచిత్రాలు..

2011-07-25T10:10:00.000+05:30

నేను ఇటీవలే తీసిన చాయాచిత్రాలు...అందరికి చుపెడదామని ఇలా ఇక్కడ వేస్తున్న :)

ఈ జీవితానికి ఇవి చాలు బుల్లెమ్మ :)

2011-06-23T22:19:00.001+05:30

నెలవంకని చూడాలంటే చంద్రుడ్నే చూడాలా

నీ నవ్వు చాలు
చిలక పలుకులు వినాలంటే చిలక మాటలే వినాలా
నీ మాటలు చాలు

కొకిల పాట వినాలంటే వసంతం రావాలా

నీ పాట చాలు

ఈ జీవితానికి ఇవి చాలు బుల్లెమ్మ :)

'మహేష్' ఖలేజ - సమీక్ష

2010-10-08T21:41:00.000+05:30

శ్రీ కనకరత్న మూవీస్ పతాకం పై త్రివిక్రమ్ శ్రీనివాస్ దర్సకత్వం లో మహేష్ బాబు, అనుష్క, ప్రకాష్ రాజ్, తనికెళ్ళ భరణి, రావు రమేష్, షఫీ, సుబ్బరాజు, సునీల్, అలీ ప్రదాన తారాగణంగా సింగనమల రమేష్, C కళ్యాణ్ నిర్మించిన చిత్రం 'మహేష్' ఖలేజ.

దేవ మనుష్య రూపేన మీద ఆధార పడిన కథ ఇది. రావు రమేష్, వారి గ్రామం ని కాపాడే దేవుడుని వెతికి తీసుకు రమ్మని షఫీ నీ పంపిస్తాడు. అవసరంలో సాయం అడిగిన వారికి సాయం చెయ్యడమే దైవం అని చెప్పడమే ఈ చిత్రం ముక్య ఉద్దేశం. కథలోకి వస్తే, సీతా రామ రాజు(మహేష్) టాక్సీ డ్రైవర్ గా పని చేస్తూ ఉంటాడు. ఎవరికో ఇన్సురంచ్స్ డబ్బు ఇవ్వడానికి రాజస్తాన్ వెళ్తాడు. అక్కడ జెమిని టీవీ కి ఓ కార్యక్రమం చేయడానికి వచ్చిన సునీల్ ని కలుస్తాడు. తను రాజస్తాన్ ఎందుకు రావలసి వచ్చిందో, సుభాషిని(అనుష్క) ప్రమేయం ఏంటో చెప్తూ ఉంటాడు. ఈలోపు అనుష్క ఆ రాజస్తాన్ లో వాళ్ళకి కనబడుతుంది. ఆ ఎడారిలో వారు ఆ ఇన్సురన్సు చెక్కు ఇచేసిన తరవాత జీ.కే(ప్రకాష్ రాజ్) మనుషులు రాజు ని దాడి చేస్తారు. దాడి చేసిన తరవాత రాజు వల్ల మీద తిరగబడతాడు. అప్పుడు షఫీ కి రావు రమేష్ చెప్పిన గుర్తులు రాజులో కనబడి తనని వారి గ్రామానికి తీసుకు వెళ్లి వైద్యం చేస్తారు. తరవాత వారి గ్రామాన్ని ఎలా కపాడుతాడో, అన్నదే మిగతా కథ.

విశ్లేషణ:

మహేష్ చాల బాగా నటించాడు. హాస్యాన్ని చాల బాగా పండించాడు. త్రివిక్రమ్ మాటలు బావున్నాయి. సినిమాటోగ్రఫీ చాల బావుంది. అనుష్క తన పాత్రని బానే పోషించిందని చెప్పాలి. రావు రమేష్ బా చేసాడు. సునీల్, అలీ, బ్రహ్మానందం నవ్వులు బాగా పండించారు.

నేను చిత్రానికి ఇచే మూలం : 3.2/5

గాయం-2 సమీక్ష

2010-09-04T01:41:00.000+05:30

కర్త క్రియేషన్స్ పాతకం పై, రామ్ గోపాల్ వర్మ సమర్పణలో, జగపతి బాబు, విమల రామన్, కోట శ్రీనివాస రావు, తనికెళ్ళ భరణి, కోట ప్రసాద్, హర్ష వర్ధన్, ప్రధాన తారాగణంగా ప్రవీణ్ శ్రీ దర్సకత్వంలో Dr. C ధర్మకర్త నిర్మించిన చిత్రం గాయం-2.

17 సంవత్సరాల క్రితం రామ్ గోపాల్ వర్మ దర్సకత్వం లో వచ్చిన గాయం చిత్రానికి ఇది శేషము.

కథ:

రామ్(జగపతి బాబు) బాంగ్-కాక్ లో కాఫీ షాప్ ఓనరు. తన భార్య విద్య(విమల), కొడుకు కార్తీక్, అమాయకపు బావమరిది(హర్ష వర్ధన్) తో సంతోషంగా జీవిస్తుంటాడు. అనుకోని పరిస్థితుల్లో తన కాఫీ షాప్లో ఇద్దరి వ్యక్తులని కాల్చి చంపుతాడు రామ్. ఈ సంఘటన న్యూస్ ఛానల్ లో చూసి రామ్ 'దుర్గ' ఏమో అన్న అనుమానంతో గురు నారాయణ(కోట శ్రీనివాస రావు) కొడుకు శంకర్ నారాయణ(కోట ప్రసాద్), తన లాయరు (తనికెళ్ళ భరణి) బాంగ్-కాక్ వస్తారు. శంకర్ నారాయణ ఇంకా లాయరు అనేక రకాలుగా రామ్ 'దుర్గ' అవునో కాదో తెలుసుకోడానికి ప్రయత్నిస్తారు. రామ్ వల్ల పాత శత్రువు 'దుర్గ' అవునా కాదా, తరువాత ఎం జరిగిందనేది మిగతా కథ.

విశ్లేషణ:

జగపతి బాబు గాయం సినిమాలో లాగే బాగా చేసాడు. కోట శ్రీనివాస రావు తెలంగాణా యాసతో చాల బాగా చేసారు. తనికెళ్ళ భరణి కూడా తన పాత్రని చాల బాగా పోషించారు. కోట ప్రసాద్ నటన బావుంది. దురదృష్ట వశాత్తు రోడ్డు ప్రమాదం లో మరణించిన విషయం తెలిసినదే. జీవ, అజయ్, నగేష్, విమల రామన్, హర్ష వర్ధన్ వారి పత్రాలను బాగా పోషించారు. మిగతా వారు అల తేర మీదకి వచ్చి వెళ్ళిపోతారు. 17 సంవత్సరాల తరవాత కూడా గాయం సినిమా అందరికి గుర్తుంది. తెరమీదకి ఆ పాత క్లిప్స్ వచ్చినప్పుడు ఈలలు వేసారు ప్రేక్షకులు, చూడచక్కగా బాగుంది. కథ తెలిసిందే కాబట్టి కొత్తగా ఏమి అనిపించలేదు. గాయం మొదటి బాగానికి ఈ బాగాన్ని చక్కగా పొడిగించాడు దర్శకుడు.

ఇలయ రాజ నేపధ్య సంగీతం బాగుంది. పాటలు పరవాలేదు. అనిల్ కేమెర పనితనం బాగుంది. ఎడిటింగ్ ప్రవీణ్ చాల బాగా చేసారు. వస్త్రాలంకరణ బాగుంది.

మొత్తానికి సినిమా బాగుందని చెప్పొచు. గాయం - 2 కి నా మూలము 3.5/5

కత్తి; వైజాగ్ కత్తి; ఏడ్చే రకం కాదు; ఏడిపించే రకం

2010-08-20T00:35:00.001+05:30

సై ఆట చిత్రం సమీక్ష

గమనిక: ఇది చదివి నన్ను తిట్టొద్దు.

నా జీవితం లో ఇంత కామెడీగా ఏ సినిమాని చూడలేదు. బాల్కనీ లో వెల్ల మీద లెక్క వెయ్యడం కూడా దండగ; ఇద్దరం.
దయ చేసి ఎవరు వెళ్ళకండి

కథకి వస్తే, శంకర్ బాబాయ్(కోట) పండిట్(శివ ప్రసాద్) శత్రువులు, ఒకరి మనుషుల్ని ఒకరు చంపుకుంటూ ఉంటారు.
దుర్గ మల్లేశ్వరి - వైజాగ్ కత్తి(చార్మి) డాన్సు చొరెఒగ్రఫెర్ పిల్లల్ని వేసుకుని ఓంకార్ గాడి ఆట షో లో పర్తిసిపతే చేయడానికి వస్తుంది. ఓంకార్ వాళ్ళకోసం ఒక ఇంటిని చూస్తాడు, ఆ ఇంటి పక్కనే శంకర్ బాబాయ్ మనుషులతో గొడవ పడి శంకర్ బాబాయ్ ఇంటికి వెళ్లి ఆ విషయం చెప్పి ఆ శంకర్ బాబాయ్ ఇంటిలోనే డాన్సు ప్రాక్టీసు చేయడం మొదలు పెడుతుంది. అలాగే గొడవల్లో పండిట్ మనుషులతో కూడా గొడవ పడుతుంది. ఎలాగో మొత్తం మీద శంకర్ బాబాయ్ వలలో పడి, తనతో వచ్చిన పిల్లల్ని ఎరగా చూపి పండిట్ కొడుకుని(పండ- అజయ్)ని చంపమంటాడు.

తప్పక చంపేస్తుంది పండ ని. మల్లి ఇక్కడ శంకర్ బాబాయ్ ఆ పండిట్ ని కూడా చంపేయి అంటాడు. ఆ పండిట్ ని పట్టుకుని బంధించి శంకర్ బాబాయ్ కి ఫోన్ చేసి నీ చేతులతో నువ్వే చంపు అని ఒక్కడినే రమ్మని, పిల్లల్ని వదిలేయాలి అని చెబుతుంది. అలాగే చేస్తాడు శంకర్ బాబాయ్. అప్పుడు ఒక సొల్లు ఫ్లశ్బచ్క్ చెప్పి పగ తీచుకుంటుంది మన దుర్గ మల్లేశ్వరి. చచ్చే రకం కాదు చంపే రకం.
చూసి నేను ఏడ్చా చచ్చ.

దేవిశ్రీ ప్రసాద్ పాటల్ని ఎవరికో ఔత్సౌర్స్ చేసినట్టున్నాడు. కామెర వర్క్ అసలా బాలేదు. కామెడీ, అది నిల్లు. విజువల్ ఎఫ్ఫెక్ట్స్ అసలా బాలేదు.

ఈ సినిమాకి రేటింగ్ ఇవ్వడం కూడా అనవసరం. హాల్ లో కాదు, సీడీ లో కాదు, ఆకరికి టీవీ లోవేసినా చూడక్కర్లేదు. టైం దండగ, తలనొప్పి. ఇంకా ఎమన్నా రాయాలన్న చిరాగ్గానే ఉంది.

డాన్ శీను - సమీక్ష

2010-08-07T00:52:00.001+05:30

కె అచ్చిరెడ్డి సమర్పణలో ఆర్ ఆర్ మూవీ మేకేర్స్ పతాకంపై గోపీచంద్ మలినేని దర్సకత్వం లో "మాస్ రాజ" రవి తేజ, శ్రేయ, "రియల్ స్టార్" శ్రీహరి, షాయాజీ షిండే, మహేష్ మంజ్రేకర్, అంజన, బ్రహ్మానందం, ఆలీ, వేణు మాధవ్ ప్రధాన తారాగణంగ విడుడైలైన చిత్రం "డాన్ శీను"

కథ
ఆమితభ్ భాచన్ నటించిన "డాన్" చిత్రం ప్రభావం వలన శీను(రవి తేజ) చిన్నపాటి నుంచి "డాన్ శీను" గా పిలిపించుకునే వాడు. డాన్ అవ్వడం ఒకటే శీను లక్ష్యం. అందుకే హైదరాబాద్ కి వస్తాడు. తను గుర్తింపు తెచ్చుకోడానికి డాన్(మనోజ్ మంజ్రేకర్) కొడుకుని కొడతాడు. దాంతో నర్సింగ్(శ్రీహరి) శీను ని చంపడానికి చూస్తాడు. ఇంతలో నర్సింగ్ ప్రత్యర్ది అయిన మాచిరాజు(షాయాజీ) గ్యాంగ్ లో చేరతాడు. మాచిరాజు ప్రతి విషయం లో నర్సింగ్(శ్రీహరి) తో పోటీ పడతుంటాడు.

ఇంతలో మాచిరాజు శీను ని జర్మనీ పంపిస్తాడు. అక్కడ దీప్తి(శ్రేయ)ని తనని ప్రేమించేలా చేసుకోమంటాడు. శీను అలాగే దీప్తి ప్రేమని సాధించుకుంటాడు. తరవాత కథలో మలుపు తిరగడం తో ఎదురయిన పరిణామాలు ఏమిటి అన్దేదే మిగతా కథ.

చిత్రానికి రవితేజ నటన, ఆలీ, వేణు మాధవ్, బ్రహ్మానందం పందిన్చిద్న హాస్యం, శ్రేయ అందం, బలాలు. మని శర్మ అందించిన బాక్గ్రౌండ్ సంగీతం బాగుంది. ఛాయాగ్రహణం, కూర్పు బావున్నాయి. దర్శకుడు కథ పాతదే అయిన, తెరకెక్కించిన పద్ధతి బాగుంది. మిగతా నటీ నటులకు పెద్దగ ఏమి లేదు.

చిత్రం కథ కొంచెం బుజ్జిగాడు, డీ ని పోలి ఉంది. చిత్రంలో చివరి ఫైటుకి నవ్వని వారు లేరు హాల్ లో :P

చిత్రానికి నా మూలం :3/5

నా సైకిల్ ని ఎవరో కిడ్నాప్ చేసారు :(

2010-08-03T20:30:00.000+05:30

ఈ చిత్రం లో ఉన్న సైకిల్ ని ఆదివారం రాత్రి ఎవరో గుర్తు తెలియని ఆగంతుకులు కిడ్నాప్ చేసారు. కాలుష్య నివారణకు నా వంతు సాయం చేద్దాం అనుకుని, ఎంతో ముచ్చట పడి రోజు ఆఫీసుకి నా సైకిల్ మీద వెళ్ళేవాడిని. నన్ను చూఇసి మా మేనేజర్ తో సహా పలువురు సైకిల్ మీద ఆఫీసుకి రావడం మొదలెట్టారు.ఇలాంటి సమయం లో నా సైకిల్ ని కిడ్నాప్ చేయడం ఏ మాత్రం న్యాయం అని నేను ప్రశ్నిస్తున్నాను.

నా సైకిల్ ని కిడ్నాప్ చేసిన విషయం దేగ్గరలో ఉన్న పోలీసు స్టేషన్ లో ఫిర్యాదు చేసాను. వారు నా సైకిల్ ని కిడ్నాప్ చేసిన వాళ్ళను ఎలా అయిన పట్టుకుని నా సైకిల్ ని నాకు తిరిగి అప్పగిస్తామని హామీ ఇచ్చారు. పోలీసులు కిడ్నాప్ చేయబడిన సైకిల్ ని కనిపెట్టటానికి ప్రయత్నిస్తున్నారు. కిడ్నాప్ చేయబడ్డ ప్రదేశానికి వచ్చి ఆగంతకుల గురించి ఏమన్నా ఆధారాలు దొరుకుతాయేమో అని ప్రత్యేక "clues టీం"ని రంగం లోకి దింపారు.

నన్ను ఇంచక్కా రొజూ ఆఫీసుకి తీసుకు వెళ్ళే సైకిల్ ఒక్కసారిగా కనిపించకపోయే సరికి ఆఫీసుకి వెల్ల బుద్ది కావడం లేదు. నా సైకిల్ ని అపహరించినవారు వారి కోర్కెలను ఇంకా తెలియబరచలేదు. వారి కోరికెలు సంన్యసమైనవి ఐతేయ్ తీర్చడానికి నేను తర్యారు గా ఉన్నావు. వారి పైన ఏ పోలీసు కేసు లేకుండా కేసు వాపసు తీసుకుంటానని, నా సైకిల్ నాకు తిరిగి అప్పగిస్తేయ్ చాలని మనవి చేసుకుంటున్నాను :(

బ్రహ్మ లోకం టు యమలోకం వయా భూలోకం - సమీక్ష

2010-07-30T02:36:00.001+05:30

రాజేంద్ర ప్రసాద్, శివాజీ, జయప్రకాశ్ రెడ్డి, సోనియా ప్రదాన తారాగణంగా లక్కీ మీడియా వారి నిర్మాణం లో గొల్లపాటి నాగేశ్వరరావు దర్సకత్వం లో విడుదలైన చిత్రం 'బ్రహ్మ లోకం టు యమలోకం వయా భూలోకం'.

కథ

బ్రహ్మ (రాజేంద్ర ప్రసాద్) , సరస్వతి దేవి(కళ్యాణి) తో గొడవ పది చిరాకు లో ఒకరి తలరాత వివాహమైన మరుక్షణం మరణం అని రాసి వదిలేస్తారు.

కొన్ని సంవత్సరాల తరవాత, శ్రీను (శివాజీ) డిగ్రీ పాస్ అవ్వడానికి కస్తపదుథూ ఉంటాడు. శ్వేత(సోనియా) తో మొదటి చూపులోనే ప్రేమలో పడతాడు. శ్రీను స్నేహితుడైన శోభన్ బాబు (వేణు మాధవ్) తపస్సు చేసి బ్రహ్మని మెప్పించి మనుషుల తలరాత చదివే వరం కావాలని కోరుకుంటాడు. బ్రహ్మ ఒక చెంబు తో పాలు ప్రసాదించి, అవి తాగితేయ్ ఆ శక్తీ తనకి వస్తుందని, కాకపోతే ఏమి చేస్తేయ్ ఆ శక్తీ పోతుందో చెప్పి మయమవుతాడు. ఇంతలో ఆ పాలు శ్రీను తాగేస్తాడు.తరవాత అలాగే శ్వేత ప్రేమను సాధించుకుంటాడు శ్రీను. ఈ శక్తీ వల్ల తలెత్తే సమస్యలు తెలుసుకుని బ్రహ్మ, యమధర్మరాజు(జయప్రకాష్ రెడ్డి) చిత్రగుప్త(A V S )ల తో భూలోకానికి వస్తారు. తను ఇచిన శక్తిని తిరిగి తీసుకోవడం లో విజయం సాధించార లేదా అన్నదే మిగిలిన కథ.

*********************

రాజేంద్ర ప్రసాద్ చాల కాలం తరవాత చేసిన చిత్రం. తన పాత్రను బాగా పోషించారు. శివాజీ పరవాలేదు. సోనియా కూడా పరవాలేదనిపించుకుంది. కళ్యాణి, లయ పాత్రలు పేరుకి మాత్రమే. ఆర్తి అగర్వాల్ 'రంభ' పాత్రకి నప్పలేదు. రఘుబాబు, వేణు మాధవ్ అక్కడక్కడ నవ్వులు పండించారు. మిగతావారు వారి పాత్రలు బానే పోషించారు. జయప్రకాష్ రెడ్డి పాత్ర బాగుంది.

*********************

గ్రాఫిక్స్ ఇంకా బాగా చేసి ఉండాల్సింది. పాటల్లో ప్రదేశాలు బాగున్నాయి. సంగీతం అంతగా ఆకట్టుకోలేదు. కూర్పు, స్క్రీన్ ప్లే బాగున్నాయి.

చిత్రానికి నా మూలం : 2.25/5

మర్యాద రామన్నా - సమీక్ష

2010-07-26T19:30:00.012+05:30

ఆర్క మిడియ వర్క్స్ వారి నిర్మానం లొ ఎస్ ఎస్ రాజమౌలి మిగత చిత్రాలకు బిన్నంగా సునిల్ తొ చెసిన సరికొత్త ప్రయత్నం "మర్యాద రామన్న".

కథ

గండికోట, 1982 లో జరిగిన కుటుంబ కలహాల వల్ల రామినీడు తమ్ముడు నాగినీడు చనిపోతాడు. తన తమ్ముడి చావుకి కారణం అయిన కుటుంబం మొత్తం ని అంతం చేయాలనీ తన ఇద్దరి కొడుకులతో ప్రమాణం చేయించుకుంటాడు రామినీడు.

28 సంవత్సరాల తరవాత హైదరాబాదు, రాము(సునీల్) తన సైకిల్ మీద పచారి కోట్లకి బియ్యం వేస్తూ ఉంటాడు. ప్రతి సారి ఆలస్యం అవుతుండటం తో మిల్లు యజమాని ఆటో ఉంటె కాని పని ఇవ్వనంటాడు. దాంతో ఉద్యోగం పోయి నిరాశగా ఉన్న రాము(సునీల్) కి తన స్వగ్రామం అయిన గండికోటలో ఉన్న పొలం గురించి తెలుస్తుంది. అది అమ్మి ఆటో కొనుక్కుందామని గండికోతకి బయల్దెరతాడు. ఈ క్రమంలో తనకి రామినీడు కూతురు అయిన అపర్ణ(సలోని) పరిచయం అవుతుంది. తన దురదృష్టానికి రాము నగినీడు ని చంపినతని కొడుకు. ఈ విషయం రామినీడు ఇంట్లో ఉండగా వాళ్ళకి తెలుస్తుంది. రామినీడు ఇంట్లో అతిధి ని చంపాను అని, బయటకి అడుగు పెట్టగానే చంపేద్దాం అని కొడుకులతో అంటాడు. రాము బయటకి వచాడ, ఎలా తప్పించుకున్నాడు అనేదే మిగతా కథ.

చిత్రం లో పాటలు బాగున్నాయి. "తలకిందులు" మరియు "రాయే రాయే" పాటల్లో సునీల్ డాన్సు చాల బాగుంది. బ్యాక్గ్రౌండ్ మ్యూజిక్ లో "ఇన్నాళ్ళకు పెదపండగా వచ్చే" పాట చాల బాగుంది. సునీల్ సైకిల్ కి మాటలు నేర్పిన రవితేజ మాటలు చాల బావున్నాయి. సైకిల్ కూడా ఒక ముఖ్య పాత్రా పోషించింది ఈ చిత్రం లో. బాలసుబ్రహ్మణ్యం పాడిన "పరుగులు తియ్యి" పాట చాల బాగా వచ్చింది. కథ చివరికి వచ్చే సమయానికి ప్రేక్షకుల్లో ఉత్కంట పెంచుతుంది ఈ పాట. కీరవాణి చక్కటి సంగీతాన్ని అందించారు.

రాజమౌళి తెలివిగా చిత్రం విడుదలకి ముందే కథ చెప్పేయడం తో చిత్రం మీద అంచనాలు తగ్గించడం లో సఫలిక్రుతుడయ్యడనే చెప్పాలి . చిత్రం లో ఛాయాగ్రహణం చాల బాగుంది. చిత్రం లో నటీనటులందరూ ఎవరి పాత్రని వాళ్ళు బాగా పోషించారనే చెప్పాలి.

మొత్తం మీద చిత్రానికి నేను ఇచ్చే మూలం 3.5/5